أستخدام علامات الترقيم، الفصلة

 بوست لعلامات ترقيم جديده في المتأخر كدة، وباذن الله هيبقى فاضل بوستين كمان ونخلصهم.

النقطة ( . )

طبعا دي بتيجي في اخر اي فقرة، ودي اسهل علامه ترقيم، واستخدامها بسيط يعني خلاص هتدوس enter وتاخد سطر جديد لازم تقفل بيها زي كده .

النقطتين (:)

بين القول وشبهه، هتقولولي طبعا يعني ايه هديكوا مثال يوضح الحكاية.

-قال حسام عاشور: بموت جوايا وببكي على حالي.⁦💃🏻⁩⁦💃🏻⁩

-قالت بسمة: لا يوجد رواية عامية في الادب.

تاني حاجه بين الشئ واقسامه مثال لذيذ كده.

-الحواس الخمسة هم: الشم، اللمس، التذوق، السمع، والابصار.

-انواع الجبن المعروفه: فيتا، اسطمبولي، تركي، خشانة،...الخ

الثلاث نقاط (...)

لو هتحذف كلمه من جمله ما، زي مثلا مكان مش عايز تذكر اسمه، او شتيمة مثلا بدل ما تقول تيت😁😁, او ما شابه.

المهم مبنزودش عن ال ٣ نقط وده الصح.

مثال

-لاقيت مروة في معرض الكتاب، في جناح دار ...، ثم توجهنا الى دار ... لشراء بعض الروايات.

-لا اعلم لماذا هذا النوع من الروايات ال... منتشر بين الشباب.

وبكده نكون خلصنا درس جديد وان شاء الله هتلاقوا الدروس دي موجوده في ال topic او المواضيع باسم علامات الترقيم.

🌹واشوفكوا في درس جديد بإذن الله🌹